Bat, bi, hiru…grabatzen!

Aste bukaera honetan, EIBARECORD ikastaro-lehiaketa burutu da Indianokuan. “Plano Corto”ko Koldo Carranza eta KAXAko Marta Prol izan ditugu gurean. Gerturatu diren gazteek laburmetrai batek hasieratik amaierara duen lana ezagutzeko eta bideogintzan murgiltzeko aukera izan dute. Story board-ak prestatu ondoren Eibartik zehar ibili dira; lagunen artean zuzendari, kamera eta aktore lanak banatu ostean, grabatzeari ekin diote!

 

Hona hemen parte hartzaileetako batzuk. Zelako gogoa emaitzak ikusteko!

 

Eibarrecord – Gaia eta ezaugarriak

Eibarrecord gazte zinema express lehiaketarako izena eman bazenuen eta aurkezpenera etorri ezin baduzu, hona hemen grabatu behar duzun bideoaren gaia eta ezaugarriak.

• Gaia: Aldaketa klimatikoa
• Ezaugarriak (Eibarrekin lotutako 3 ezaugarri hauek agertu behar dira):

San Andresen gurutzea

Coliseo Antzokia (Merkatu Kalea, 2)

Guardasola

 

• Iraupena: 1 minutu – 5 minutu

Bideoa entregatzeko Gaztelekutik pasa beharko zarete, igandeko 20:30ak baino lehen. Ostiraletik igandera hemen egongo gara zuei gidoia idazten, grabatzen eta editatzen irakasteko.

Zorte on! Onenak irabaz dezala!

AUPA GU!

Arratsalde on!

Aste honetako kontuak Mariana eta Malenen artean kontatuko dizkizuegu!

Hasteko, Ostiralean, pizza goxo-goxoak egin genituen sukaldaritza tailerrean, lanak banatu eta primeran moldatu ginen sukaldean. Azkenean egindakoa jan genuen, aupa gu!

Honen ostean, EibarRECord tailerreko koordinatzailea, Koldo Carranza, gerturatu zitzaigun gaztelekura. Hurrengo astean etorriko da berriro izen eman dutenei laburmetraiak grabatzen laguntzera, ostegunera arte tartea daukazue zuek ere izena emateko!

Asteburu osoan zehar Olentzerok ekarritako Suspend jolasean murgildu ginen beste hainbat jolasekin batera adibidez Wii-a, paleta, xakea… Oso dibertigarria izan zen eta neska mutilok oso ondo pasatu genuen!

Animatu zaitezte, gaztelekuan itxarongo zaituztegu!

 

 

URTEARI HASIERA ONA EMATEN!

Aste honetan, gabonetako oporrei bukaera eman diegu eta urteko lehenengo hilabeteko programaketa bete dugu denon artean.

Zapatuan, gazteen proposamenei jarraituz, Slime-a egiten saiatu ginen. Hainbat eratara egiten saiatu ginen, osagai desberdinak erabiliz.

Horrez gain, adin guztietako gazte pila pasa dira egun hauetan eta danetarako denbora izan dute. Gustora ibili dira Indianokuako berotasunean, beraien artean solasean, mahai jolasetan edota dibertimenduzko jokoetan.

Bestalde, Urtarrilaren 17-an hasten den EibarRECord-aren izen ematea zabaldu dugu. Anima zaitezte asteburu desberdin bat igaroko bait dugu.

ESKERRIKASKO 2019! KAIXO 2020!

Aste honetan, gabonetako oporrak aprobetxatuz, hainbat ekintza ezberdin izan ditugu. Ekintza horietako bat, ostegunean Bilbora egin genuen txangoa izan zen. Bertan, Lasergunera joan ginen, non bi partida jolasteko parada izan genuen. Ondoren, eguraldia lagun genuenez, parke batera joan ginen, bertan bazkaldu eta hainbat jolasetara jolastu genuen.

Ostiralean berriz, sukaldean aritzeko aukera izan genuen eta domekan aldiz, lagun artean filme bat ikustekoa. Horrez gain, gabonak eibarrera pasatzera etorri diren nerabe batzuen bisita izan genuen.

Urte berri on Indianokua gaztelekuaren partez eta gogoratu, urtarrilaren 2an bueltan izango garela betiko ordutegiarekin. Ondo pasa!

 

 

 

Ondo pasa gabonak!

Astean zehar, gaztelekuari gabon kuttua ematen ibili gara, artilearekin zuhaitz polit bat egin dugu!

 

Asteburuan emotikonoen bitartez, Euskal Herriko txoko ezberdinen izenak asmatzeko ahalegin handiak egiten dituzte hilabeteko Disparatean parte hartu duten 20 gazteek . 12 izen asmatu behar ziren  eta gehien gerturatu direnak, 6 izen asmatu dituzte; Maialen Barrutia, Ainhize Carrasco, Mariana Miranda eta Izaro Alzaga izan dira gehien hurbildu direnak. Hona hemen emaitzak:

Abenduaren 23, 24 eta 25ean gaztelekua itxita egongo da. Abenduaren 26an Lasergunera goaz, beraz Abenduaren 27an, Indianokuan ikusiko dugu elkar! Ondo pasa gabonak!

Ihes-gela 2.0-ren bigarren saioa

Aste honetan, azaroan eginiko Indianokua Ihes-gela 2.0-k eduki zuen arrakasta ikusita, bigarren saio bat egin dugu. Honako honetan, beste bost taldek hartu dute parte.

 

Horrez gain, Abenduak 26an egingo dugun Lasergunera irteeraren izen ematea itxi dugu eta irteera aurrera irten dela aurreratzen dizuegu. Izen eman duzuenoi, helduaraziko dizuegu informazio gehiago.

Bestalde, mahai jolasetan eta lagun artean solasean egoteko aukera ere izan dugu.