Hitzekin jolasten!

Kaixo, arratsalde on, zelan doa dena? Lortu ahal duzue hotzetik ihes egitea egun hauetan? Aste bukaeran zehar mahi jolasak jolasten eta disfrutatzen egon gara. Gainera kontatu nahi dizuegu aste honetako bloga Gaztelekuko erabiltzaileok idatzi dugula.

Hilabete honetako disparatea aste honetan modan jarri den jolasa izan da: BERBAXERKA. Jokoaren helburua hitzak sortzea da, horretarako gorriz dagoen letra bat derrigorrez erabili behar da eta inguruan daude letra berdeekin nahastuz. Ostiraleko irabazlea Paula Tardío izan zen eta larunbatekoa Ane Gerrikagoitia, zorionak bioi!

Horrez gain badakizue datorren astean altxorraren bila edukiko dugula Gaztelekuan. 18:30etan emango diogu jolasari hasiera, etorri apur bat lehenago eta animatu parte hartzera.

Urte berri on!

Urte berri on danoi! Nola pasa dituzue gabonak? Gu primeran ibili gara Gaztelekuan lagun artean. Egun hauetan oporrak aprobetxatuz lagun berriak egiten ibili dira gazteak, koadrila artean ezagutu eta jolasten.

Pasa den ostegunean Donostiara joan ginen txangoan. Bertan lagun giroan hiriburua bisitatu eta gero Mitologik escape roomera hurbildu ginen. Magiaz beteriko kobazuloetan barrena misterioak ikertzen ibili ziren Gaztelekuko hiru talde.  Lamiak, Galtzagorriak, Sugar eta Mari bera ere agertu omen zen koba haietan. Ekintza bukatu bezain pronto hiriko parke batera gerturatu ginen bazkaldu eta jolas batzuk egitera etxera itzuli baino lehen.

Gaur aldiz, Urtarrilera begira jarri gara eta Aner eta Alex-en laguntzarekin, hilabete honetako egutegia osatu dugu. Gerturatu eta hartu parte, ekintza gehiagorekin jarraituko dugu eta aurrerantzean.

Disparatea, kontzertuak eta laster arte bat!

Aupa!! Zer moduz? Indianokuan giro ederra izan dugu! Abenduko dispararatean, bi sokari alboetara tira eginez, zeloa marka gorrien gainean edo ahalik eta gertuen lagatzea izan da erronka. 30 nerabe inguru gerturatu dira parte hartzera eta bakoitzak bi saiakera izan ditu; Itsaso Guillén-ek, Nerea Colmenero-k eta Junior Sambu-k bete-betean lortu dute!Zorionak neska-mutilok!

Larunbatean, GipuzkoanGazteTour-ak Eibarren zuen hitzordu! Anne Lukin, Ainhoa Larrañaga eta Julen Leturiondok beraien lanak erakutsi zituzten Coliseoan. Eskape Room-ean parte hartu zutenen artean egin zen zozketaren irabazleek, kontzertuaz gozatu zuten.

Azken asteburuetan gurekin praktiketan egon den hezitzaileari agur esango diogu gaur! Nerabeek egindako marrazkiak eta mezu politez betetako postalak eraman ditu oroigarri bezala! Mila esker Olatz! Ondo segi!

Euskararen eguna Gaztelekuan!

Kaixo gaztiok! Aste honetan euskararen eguna ospatzen egon gara Gaztelekuan! Egunotan dugun eguraldi petralari aurpegi ona ipintzen egon gara aterpean, lagun artean eta epeletan. Euskararen eguna ospatzeko kartelak egiten egon gara gaztelekuko hormak apaintzeko eta ezan behar dugu ingurua txukun geratu zaigula.

Behin margoak eskuan genituela marrazki ezberdinak egiten egon gara tenperak erabiliz. Horretaz gain, mahi jolasekin aritu gara eta bukatzeko ping-pongean txapelketa inprobisatu bat egin genuen.

Bukatzeko gogoratu irteerako izen ematea martxan dugula abenduaren 12arte. Donostiara joango gara abenduaren 30ean Ihes Gela zoragarri batera, zatozte gaztelekura eta apunta zaitezte!

Kalean hotz, Gaztelekuan bero!

Arratsalde hotz on! Nola egin diozue ihes hotza eta euriari egun hauetan? Aukera ezin hobe bat Indianokua Gaztelekura etortzea izan da! Hainbat kuadrilak hartu dute erabaki hori eta asteburu ezin hobe bat izan dugu bertako goxotasunean. Disparateak kriston arrakasta izan du, 20 pertsonatik gora parte hartuz. Hilabete honetan, marrazki bat egin behar izan dute 60 segunduan boligrafoa paperetik altxatu gabe. Gehiengo oso altu batek lortu du erronka egoki betetzea.

Zapatuan, IHES GELA-ri bukaera emate aldera, partaide guztien artean zozketa bat burutu dugu. Bertan, Gipuzkoan Gazte Tour Eibarrera etortzen denerako 5 sarrera bikoitz izan dira. Partaide asko gerturatu ziren zozketa zuzenean ikustera eta Olatz praktikalariaren laguntzarekin, honako hauek izan ziren irabazleak: Alex Espiga, June Gisasola, Miren Lekunberri, Olatz Plazaola eta Paula Tardio. Zorionak! Jarriko gara zuekin kontaktuan sariaren berri emateko.

Gabonetara begira, hurrengo irteera antolatu dugu! Zatozte gaztelekura Abenduaren 1etik 12ra izen ematera, Animatu!

Haur eta nerabeen eskubideen eguna

Kaixo gazte! Aupa nerabe! Ba ahal zenekiten atzoko eguna, Azaroak 20a, Haur eta Nerabeen eskubideen nazioarteko eguna zela? Ba ahal dakizute zeintzuk diren hauek? Indianokua Gaztelekuan eskubideen zerrenda hartu eta bakoitzaren inguruan hausnarketa egiteko aukera izan dugu.

Bestalde, aurreko asteburutik abian genuen Indianokua IHES GELA-ri bukaera eman diogu gaurko egunean. Astebukaera honetan beste 5 taldek hartu dute parte, denek 60 minutu baino lehen irtetea lortuz. Zorionez ez da inor gelditu bertan irten ezinik.

Horrez gain, nahiz eta azterketa garaian murgildurik egon, nerabe ugari hurbildu da Gaztelekura. Bertako baliabideak gustoko dituzten seinale. Eskulanak egiteko aukera izan dugu, baita mahai-jolas edota bideojokoetan jolasteko aukera ere.

Indianokua IHES GELA abian!!

Kaixo gazteak! Zelan igaro duzue asteburua? Gaztelekutik pasa direnek behintzat asteburu ezin hobea izan dute, zeren eta Indianokua IHES GELA martxan izan dugu ostiraletik igandera. Partaideek, 3-5 bitarteko taldetan, 60 minutu izan dituzte bertatik irten ahal izateko.

Aurreko urteetan izan duen arrakasta ikusita, bi asteburutan banatu ditugu ihes gela egiteko txandak eta hori dela eta, hurrengo astean berriz izango dugu beste 5 talderentzat gutxienez. Asteburu honetan egin duten 6 taldeetatik 5-ek garaiz irtetea lortu dute, 6. taldea denbora pasata irten ezinda gelditu delarik.

Horrez gain, gaztelekura ekarri berri dugun arbelak sekulako harrera izan du nerabeen artean. Asteburu guztia sarrera gelan egon da, inguruan gazteak bildu eta marrazten eta margotzen ibili dira, irudimena landuz.

Ping Pong Txapelketa!

Arratsalde on danori! Zelan joan da aste bukaera? Gaztelekuan topera ibili gara ping pong mahai berria erabiltzen. Sekulako txapelketa antolatu dugu 30 partida baino gehiago jokatuz. Oraindik ez da txapelketa bukatu partida batzuk jokatzeke gelditu direlako.

• 

• 

• 

• 

Horretaz gain mahai jolasetan gustura ibili gara elkarrekin kanpoko euri eta hotzetik babestuz.

• 

Urriari agur esaten!

Arratsalde on gazte!! Zelan doa asteburu luze hau? Gaztelekura jende dexente gerturatu da eta giro polita izan dugu! Ostiralean gerturatu zirenak, sorpresa hartu zuten: ping pong mahai berria montatzen ari ginen!! Begira zelako polita!

Larunbata eta igandea ere beldurgarri joan dira! Mahai jolasak, eskulanak, voley, globo lehiaketa…denetarik izan dugu!

Amaitzeko, ez ahaztu Araoaren 7ra arte, ESKAPE ROOMean izena eman daitekeela! Jadanik hasi dira ordutegi eta txanda batzuk betetzen, gerturatu eta aukeratu zuena! Laster arte!

ESKULANETAN

Aupa! zer moduz? Hemen asteburu honetan eskulanetan aritu gara, oraingo honetan airean lehortu eta gogortzen den Dass masa erabili dugu. Hasieran plastilinarekin zein forma egingo genuen pentsatu eta landu dugu, behin hori burututa buru belarri ekin diogu «buztina» -rekin egitera.

Bere denbora behar duela konturatu gara, hau da, ideia izatetik gure eskuekin forma hori lortzerako prozesua ez dela hain erraza izan. Batzuek bidean, ideiaz behin eta berriz aldatu dute, gustoko zerbait lortu arte.

• 

• 

• 

• 

• 

Bestalde, mahai jolasetan ere gustora aritu gara, jolas berriak ezagutzen, barruko baliabideetan ( futbolina, ping-pong-a,paletak, …) ederto ibili gara!oraindik ez baldin bazarete animatu, gerturatu zaitezte!

Gaur gurean praktikak burutu dituen Asierren azken eguna izan da bertan, eta berarekin oso gustora aritu garenez detailetxo bat egin diote gure gazteek! ea gustoko duzun eta hurren arte!jarraitu horrela!

Bestalde, gogoratu Ihes Gela edota Scape Room-ean parte hartzeko izen ematea zabalik dagoela eta 3-5 taldekidez osatutako ekipoetan parte hartu ahal izango duzuela, beraz, gaztelekutik pasatu eta informatu zaitezte, aukera bikaina da ta!